Хабарландыру

1 СӘУІРДЕ БІРІНШІ СЫНЫПҚА ҚҰЖАТТАРДЫ ҚАБЫЛДАУ БАСТАЛАДЫ

2025-2026 оқу жылына оқушыларды 1 сыныпқа қабылдау күнтізбелік жылдың 1 сәуірінде басталып, 31 тамызда аяқталады. 

«Бірінші сыныпқа қабылдау» мемлекеттік қызметі бойынша өтініштер «Электронды үкімет» порталы арқылы қабылданып, өтініштер қызмет берушілермен «ҚР ОМ Мемлекеттік қызметтерін автоматтандыру» ақпаратық жүйесі арқылы орындалады.

Өтінішті ата-аналардан қабылдау екі тәсілде жүзеге асырылуда:

1) egov.kz электронды үкімет порталы арқылы (басымдық беріледі);

2) қағаз түрінде;

Қажетті құжаттар тізімі:

Баланың туу туралы куәлігінің көшірмесі.

№065/у нысаны бойынша медициналық анықтама.

№026/у-3 нысаны бойынша баланың денсаулық паспорты.

3х4 см өлшеміндегі 2 дана фотосурет.

Баланың ерекше білім беру қажеттіліктері болған жағдайда, психологиялық- медициналық-педагогикалық консультация (ПМПК) қорытындысы.

Ағымдағы жылда Оқу-ағарту министрлігімен egov.kz «электрондық үкіметтің» веб-порталы арқылы мемлекеттік қызметтің бизнес-процесі жаңартылды:

* шағын учаскеге байланысты автоматты түрде мектепті таңдау қарастырылған. 

* сынып жинағы автоматты түрде қалыптасады;

* білім беру ұйымымен келісім-шарт «электрондық үкімет» порталы арқылы электрондық форматта жасалатын болады.