"Спорт - бақытқа бастар жол" кездесу кеші

2022 жылы 26 ақпанда "Балалар жылына" орай Ә. Сағынтаев атындағы орта мектебінің ұйымдастыруымен мотивациялық кездесу өткізіліп, 46 оқушы қамтылды. Мотивациялық кездесуге Қазақстан Республикасының бірнеше дүркін чемпионы Д.Жақыпов пен Қазақстан Республикасының қола жүлдегері Е. Жұманәлі шақырылды. Кездесуде оқушылар мен ұстаздар тарапынан сұрақтар қойылып, спорт тарландарынан қызықты жауаптар алынды. Спорт жұлдыздары оқушыларды жүйелі түрде денешынықтырумен, спортпен айналысуға шақырып, жүрек жарды тілектерін білдірді. Сонымен қатар оқушыларға өздері айналысқан спорт түрлерінің әдіс - тәсілдерін үйрету мақсатында шеберлік  сабағын жүргізді. Әсерлі кештің  соңында ән шырқалып, қонақтарға арнайы дайындалған сыйлықтар  берілді.