Мектепішілік "Үздік жас маман - 2022" байқауы

 2022 жылы 14 сәуір күні Әбдір Сағынтаев атындағы орта мектебінде жас ұстаздардың біліктілігін, жан-жақты өз кәсібінің шебері екендігін сынау арқылы, оларды іскерлікке, мәдениеттілікке, өз кәсібіне үлкен жауапкершілікпен қарауға бар күш жігерін жұмсауға баулу мақсатында «Үздік жас маман-2022» байқауы өтті. Байқаудың ережесі жасалып, арнайы сарапшы мүшелері тағайындалды. Байқау екі кезеңде өтті. Бірінші  кезеңде жас мамандардан эссе жазу жұмысы мен пәндік, әдістемелік, педагогикалық сұрақтардан тұратын тест жұмысы алынды. Екінші  жас мамандар өзін кәсіби таныстыру, өз өнерін көрсету, 45 минуттық видеосабақтарын қорғау, ситуациялық сұрақтарға жауап беріп,тығырықтан шығу кезеңдерінен өтті.
Байқауға дене шынықтыру пәнінің мұғалімдері Әлмахан Ақылбек,Мизамбек Аян, физика пәнінің мұғалімі Сейілхан Ерген, ағылшын тілі пәнінің мұғалімі Мусина Ақмарал қатысты. Байқау қорытындысы бойынша дене шынықтыру пәнінің мұғалімі Мизамбек Аян «Үздік жас маман» атанды.