02
март
2020
1 наурыз -Алғыс айту күні
Әбдір Сағынтаев атындағы орта мектебінде 1 наурыз -Алғыс айту күніне орай, оқушылардың "сыйластық" құндылығы туралы түсініктерін кеңейту, ризашылық, рахмет, алғыс туралы түсінік беру, үлкен - кішіге деген сүйіспеншілігін, сыпайылық қарым -қатынасын дамыту, әдептілікке кішіпейілділікке, ізеттілікке тәрбиелеу мақсатында "Алғыс айтудың шексіздігі" тақырыбында тәрбие сағаттары, адамның адамға жасаған жақсылығы, көмегі, көңілі үшін ризашылық білдіруі, сондай -ақ оның ойы мен іс-әрекетіне, жасаған істеріне жоғарғы баға беруі жайында әңгіме өрбіткен, "Кімге алғыс айтар едің?" тақырыбында 7 "А, Ә" сыныптары арасында пікірталас, Оқушылардың жанұяға, ата-анаға, үлкен-кішіге деген сүйіспеншілік, қарым - қатынастарын дамыту, Ризашылық пен алғыс, жақсы тілек, ізеттілік туралы түсінік беру, бір-бірімен үйлесімді қарым -қатынас жасай білуге үйрету, Елімізде тұрып жатқан әр түрлі ұлттар мен ұлыстардың арасында ғы достық пен ынтымақтастықты дәріптеу, салт-дәстүрін, мәдениетін өзіндік үлгі өнегесін оқушылардың бойына сіңіру. Бейбітшілікте татулықта өмір сүруге тәрбиелеу мақсатында "Алғыс айту парызымыз!" тақырыбында мерекелік концерт өтіп, "Мен алғыс айтамын" тақырыбында көрме ұйымдастырылды. Тақта безендіріліп, тілек ағашы қойылды. Онда мектеп мұғалімдері, ата-аналар, оқушылар өздерінің ризашылық сезімдерін білдірген құттықтау хаттарын, парақшаларын жапсырып ілді.
