«Тоқтама, жырла жүрек»

«Тоқтама, жырла жүрек»

(Үміт Битенованың шығармашылығына арналған әдеби-сазды кеш)

     Біз биыл ауданымыздың толайым мерейтойын, Талас ауданының 90 жылдығын  атап өтудеміз. Қазақтың кең пейіліндей ұлан-ғайыр кең даласының қай бөлігі де қасиетті.  Әсіресе, туыңды тіккен туған жеріңнен артық жұмақ болмас. Тұғырлы Талас елі, Талас жұрты осындай өлке. Қашан да топырағы таланттарға кенде емес Таласты «Батырлар мен ақындар» елі деп орынды мақтан етеміз.

Сол ақындардың  бірі-«айтыстың ақ періштесі» атанған, Ұлбике ақын апасының жолын қуған, Қазақстан Жазушылар Одағының мүшесі, Мәдениет саласының үздігі, ақын, сазгер Битенова Үміт Қыранқызына арналған «Тоқтама, жырла жүрек» атты әдеби сазды кеші болды.

Нәзіксің сезімталсың,

Тұла бой тұр ма елжіреп

Сабырсыз төзім талсын

Тоқтама, жырла жүрек, деп жырлаған Үшаралдың үкілеген Үміті ел-жұртын әнмен тербеп,жырмен сусындатып келеді.

 «Мемлекетімізге ақ тілеу, асыл үмітпен талпынып жатқан сол бір қасиетті өлкенің халқына күнделікті рухани демеу болып жатқан кімдер? Сол елдің өзі. Сол елдің қайсар ұл-қыздары. Сол көптің алдында жүрген Үміттің орны бөлек» -дейді ақын апамыз Күләш Ахметова.